Ervik kyrkje

Frå Selje.info
Gå til: navigering, søk
Motiv kapellet i Ervik. Foto: Even Elde

Ervik kapell er frå 1970, arkitekt var o. Platou i firma A. Arneberg, Oslo. Sjølve kapellrommet har 75 sitjeplassar. Bygdene Honningsvåg, Årvik, Ervik og Morkadalen soknar til kapellet.

Kyrkjegarden i Ervik er langt eldre enn kapellet, jordfestinga vart gjort i samband med den årlege Ervikpreika i friluft. Ei sterk drivkraft i arbeidet med å få reist kapellet ved den gamle kyrkjegarden, var ønskjet om å få reist eit gudshus til minnestad over dei mange som var omkomne på havet utanfor Stad.

Særleg gjald dette ulukka 30. september då hurtigruteskipet St. Svithun forliste ved Buholmen etter å ha vorte bomba av britiske fly i leia rett utfor Ervik. Om lag 75 vart berga av småbatar som kom ut frå bygda. Alt under krigen vart det teke til orde for at denne redningsdåden måtte heidrast ved at tanken om eit minnekapell vart realisert. Men først i slutten av 1950-åra kom det fart i arbeidet, og 14. juli 1970 vart kapellet vigsla. Skipsklokka frå St. Svithun tener som kyrkjeklokke.

Altarbiletet er laga av nordmørs-kunstnaren Kalla Skrøvseth. Det er eit materialbilete der hovudmotivet er korset som bergar menneske på livs-seglasen inn i den trygge hamna hos Gud.

I 1976 vart ei tavle over dei 50 som omkom i St. Svithun-ulukka hengt opp i garderoben, og i 1985 vart skipsfløyta teken opp frå vraket, stelt og sett opp som kyrkjebøsse i kapellet. Ankeret frå St. Svithun vart heva i 1995, og er plassert framfor kapellet.


NB: Denne artikkelen er endå ikkje å ansjå som komplett. Har du meir informasjon må du gjerne sjølv redigere artikkelen, så vert selje.info enda betre!

Bildegalleri[endre]

Kart[endre]

<googlemap lat="62.078099" lon="5.226996" type="map" height="300" width="450" zoom="9"> 62.166416,5.126777, Klikk her: Ervik </googlemap>

Eksterne lenker[endre]