Leikanger kyrkje

Frå Selje.info
Gå til: navigering, søk
Leikanger kyrkje Foto: Stian Elde

Leikanger kykje er bygd i 1866 og innvigd 28. oktober 1866.

Kyrkja er ei langkyrkje, bygd i tre og har ca. 400 plassar.

Der kyrkja står i dag på Leikanger er tredje staden denne bygningen står. Bygningen vart først bygd på slutten av 1500-talet på Bø på Selja. Den var først kjend som Fylkeskyrkja. Derifrå vart bygningen riven og flytta over til Selje i 1654. Der stod bygningen på staden der Selje kyrkje står i dag fram til 1866. Den vart då riven straks etter den siste gudstenesta var halden 22. april 1866. Treverket vart lasta ¨på ei råsegljekt etter rivinga og ført rundt Stad til Leikanger.

Sidan kyrkja ikkje var ny vart det avgjort av Kyrkjedepartementet at det ikkje var nødvendig med ny vigsle av bygningen.

Inga anna kyrkje i fylket har vore flytta so mange gonger som Leikanger kyrkje.

Leikanger kyrkje har 3 altertavler, ei frå¨kvar stad kyrkja har stått.


NB: Denne artikkelen er endå ikkje å ansjå som komplett. Har du meir informasjon må du gjerne sjølv redigere artikkelen, så vert selje.info enda betre!